Çarja e argjinaturës së lumit Vjosë ka shkaktuar dëme të mëdha dhe ka përmbytur disa fshatra në Vlorë e Fier, por më kritike situata paraqitet në fshatin Ferras të Fierit, aty ku niveli i ujit ka arritur në një metër nëpër shtëpi.
Njoftimi i Policisë së Vlorës për situatën:
Në datën 02.12.2017, në orën 07:00, ujërat e lumit Vjosë kanë dalë nga shtrati, janë përhapur në tokat e fshatit Çerven dhe po përhapen në tokat e fshatit Ferras. Si pasojë rruga e vjetër është e mbuluar me rreth një metër ujë në segmentin “Kthesa e Qarrit”-“Ura e Mifolit”. Në këtë segment është bllokuar edhe një mjet i shërbimit të patrullës së përgjithshme me tre punonjës policie. Po merren masa për nxjerrjen e mjetit dhe punonjësve të policisë me mjetet e FA.
