Mesa duket në futbollin shqiptar arbitrat mund të gabojnë sa herë të duan dhe kur nuk kalon as një muaj rikthehen sërish të gjykojnë, edhe pse kanë lënë pas një “vepër” që zor se mund të hiqet nga kujtesa. E mbani mend Blerim Zirin, arbitrin kryesor nga Fushë-Kruja?
Më 15 nëntor, në ndeshjen Luftëtari-Teuta 2-3, bëri një masakër të vërtetë me vendimet e tij kundër ekipit gjirokastrit. Ziri, që një zot e di si i ka kapur normat e FSHF-së, pasi duket që është mbipeshë, dy ditë më parë ka qenë arbitër kryesor në Naftëtari-Turbina 1-1 në Kategorinë e Parë, bashkë me asistentët Endrit Veseli dhe Erind Burgu.
Kjo treshe gjykoi ndeshjen e shumë kontestuar Luftëtari-Teuta dhe tashmë sektori i gjykimit e ka rikthyer sikur të mos ketë ndodhur asgjë. Një situatë vërtet qesharake, por kjo nuk është hera e parë që në sektorin e gjykimit në FSHF falin gjyqtarë që gabojnë në mënyrë konstante./panorama
