POLICIA E SHTETIT
Gjirokastër – Drejtoria Vendore e Policisë Gjirokastër bën me dije se specialistët për Hetimin e Krimeve Ekonomiko-Financiare kanë referuar materialet në Prokurori, ku ka nisur procedimi penal ndaj shtetasit I. Sh., 65 vjeç, banues në Tiranë.
Sipas njoftimit zyrtar, shtetasi në fjalë dyshohet se ka paraqitur në një institucion një dokument të falsifikuar. Dokumenti i dyshuar është sekuestruar nga shërbimet e Policisë në cilësinë e provës materiale.
Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, e cila po kryen veprimet e mëtejshme ligjore për zbardhjen e plotë të rrethanave të këtij rasti.
Policia vijon punën për parandalimin dhe goditjen e paligjshmërive në fushën e krimeve ekonomiko-financiare, në zbatim të ligjit.
