Tre personat e arrestuar dy ditë më parë si pjesë e një rrjeti të trafikut të qënieve njerëzve drejt zonës shengen kanë dalë sot para Gjykatës së Shkallës së Parë Gjirokastër për t’u njohur me masën e sigurisë. Gjykata ka caktuar masën ‘burg pa afat’ për Timo Cikon, me detyre shehi i ruajtjes së kufirit në Kakavijë, Bledar Duckën, efektiv i policisë kufitare Gjirokastër dhe Shpëtim Brakajn nga Fieri.
Shërbimi për Çëshjet e Brendshme dhe Ankesat (SHÇBA) i akuzon për për dhënie ndihmë për kalim të paligjshëm të kufirit, shpërdorim detyre dhe korrupsion pasiv.
U arrestuan në flagrancë: Timo Ciko, 50 vjeç, shef i ruajtjes së kufirit të gjelbër, në Drejtorinë e Policisë Kufitare Gjirokastër; – Bledar Duçka, 43 vjeç, trup shërbimi për kufirin e gjelbër, në Drejtorinë e Policisë Kufitare Gjirokastër dhe shtetasi Shpëtim Brakaj, 41 vjeç, nga Fieri.
Kundrejt pagesave që varionin nga 300 deri në 400 euro për çdo person, të siguruar nga shtetasi Brakaj, punonjësit e Policisë në vijën kufitare, siguronin kushtet për të kaluar drejt vendit fqinj në mënyrë ilegale pa kryer procedurat ligjore. Gjatë arrestimit në flagrancë, të ndaluarve u janë sekuestruar një sasi euro, lekë, dollar, telefona celularë dhe një automjet. Operacioni u bë në bashkëpunim me Prokurorinë e Rrethit Gjyqësor Gjirokastër.
Shtetasit që kalonin përmes pagesave tek rrjeti i dyshuar i trafikuesve, e kishin të pamundur të udhëtonin në zonën Shengen për shkak të problemeve me afatet e shkelura kohore, apo mos përmbushjen e kushteve të kalimit të lirë.
Gjatë arrestimit në flagrancë, të ndaluarve u janë sekuestruar një sasi euro, lekë, dollar, telefona celularë dhe 1 automjet. Hetimi po vijon për zbulimin e personave të tjerë të implikuar.
