POLICIA E SHTETIT
Specialistët për Hetimin e Krimeve të Komisariatit të Policisë në Gjirokastër kanë referuar materialet në Prokurori, ku ka nisur procedimi penal ndaj një shtetasi të dyshuar për kanosje.
Sipas njoftimit, procedimi ka nisur për shtetasin R. Ç., 38 vjeç, banues në qytet, pasi një ditë më parë, në ambientet e një subjekti privat, dyshohet se ka kanosur me fjalë shtetasin P. N., 51 vjeç, me profesion gazetar.
Materialet procedurale iu referuan Prokuroria pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme, ndërsa çështja vijon të jetë në ndjekje nga organet kompetente.
