POLICIA E SHTETIT
Specialistët për Hetimin e Krimeve të Komisariatit të Policisë Gjirokastër referuan materialet në Prokurori, ku nisi procedimi penal për dy shtetas, të dyshuar për përfshirje në një konflikt për motive pronësie mbi kullotat.
Sipas njoftimit zyrtar, procedimi penal ka nisur për shtetasit E. M., 38 vjeç dhe J. M., 25 vjeç, vëllezër dhe banues në fshatin Lazarat, pasi janë konfliktuar në fshatin Asim Zenel me shtetasit L. D. dhe D. D., bashkëshortë.
Burime nga Policia bëjnë me dije se konflikti ka ndodhur për çështje kullotash, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme hetimore.
