Saliu Guindo më në fund ka arritur të gjejë golin e parë për këtë vit kalendarik me fanellën e Dinamos. Sulmuesi nga Mali ishte protagonist në fitoren ndaj Tiranës me rezultatin 2-0, duke realizuar golin e dytë të takimit që vulosi edhe fitoren e skuadrës së Dajës.
Më shumë se për ndeshjen, ky gol ishte shumë i rëndësishëm për vetë 29- vjeçarin, i cili prej muajsh ishte në krizë dhe nuk po arrinte të zhbllokohej. Golin e fundit me fanellën e Dinamos, Guindo e ka shënuar ndaj Partizanit në sfidën e fundit të fazës së dytë, aty ku Dinamo arriti të shënonte një fitore 1-3 në kampionat.
Që nga ajo ndeshje, kanë kaluar plot 71 ditë “agjërimi” për sulmuesin i cili nuk ka arritur të lërë gjurmë. Veç golit të djeshëm, Guindo bëri edhe një paraqitje mjaft të mirë në fushë, duke qenë kërcënim i vazhdueshëm.
Këtë sezon, Guindo ka shënuar 5 gola, nga të cilët 4 janë të realizuar në Superiore dhe së fundmi një u shënua në Kupën e Shqipërisë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
