Ka ndërruar jetë në spital edhe 39-vjeçari, Tili Pilinci, i cili mbeti i palgosur rëndë në aksidentit e së hënës (3 mars) në autostradën Naro-Camastra të Siçilisë në Itali, ku humbi jetën i riu Flori Topalli.
Mediat italiane raportojnë se pas katër ditësh agoni, edhe zemra e Tili Pilincit pushoi së rrahuri në njësinë e kujdesit intensiv të Villa Sofia në Palermo.
Ai po drejtonte makinën që u përplas me një kamion të rëndë të ngarkuar me fruta dhe perime të hënën e kaluar, duke vrarë të riun Flori Topalli.
Ai luftoi me vdekjen për katër ditë. I shtruar në spital në gjendje të dëshpëruar në Spitalin Villa Sofia në Palermo, zemra e Tili Pilincit pushoi së rrahuri sot.
Shoferi i makinës së përfshirë në aksidentin me një kamion që transportonte fruta dhe perime pak para agimit të së hënës së kaluar ka ndërruar jetë gjithashtu.
Numri i viktimave në aksidentin tragjik të mëngjesit të hershëm në autostradën Naro-Camastra, tani është rritur në dy. Flori Topalli (foto poshtë), njëzet e katër vjeç, vdiq menjëherë pas përplasjes dhe 6 u plagosën, ku Pilinci më rëndë.
“Tridhjetë e nëntë vjeçari shqiptar u konsiderua menjëherë në gjendje kritike dhe u transferua nga spitali Barone Lombardo në Canicattì në Villa Sofia në Palermo, ku mjekët gjithmonë kanë mbajtur një prognozë konfidenciale për jetën e tij”, thanë autoritetet për median italiane.
Punëtorët shqiptarë që ishin në makinë, jetonin në Canicattì dhe Naro. Me sa duket, të rinjtë të moshës 24 deri në 39 vjeç kishin mbërritur së fundmi në Itali dhe ishin të angazhuar në punë sezonale bujqësore.
Të hënën në mëngjes, pak para agimit, ata ishin duke shkuar në punë.
