POLICIA E SHTETIT
Specialistët për Hetimin e Krimeve në Stacionin e Policisë Këlcyrë kanë ndaluar një shtetas 66 vjeç, i dyshuar për ngacmim seksual ndaj një të miture.
Sipas njoftimit zyrtar të policisë, është ndaluar shtetasi me inicialet V. S., 66 vjeç, banues në Këlcyrë, pasi dyshohet se ka ngacmuar seksualisht një shtetase të mitur.
Pas veprimeve të kryera nga strukturat e hetimit, materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, e cila do të vijojë me veprimet e mëtejshme ligjore për këtë rast.
Policia bëri të ditur se hetimet për zbardhjen e plotë të rrethanave të ngjarjes vijojnë.
