Ksamili dhe Porto Palermo në Shqipëri janë dy nga xhevahiret e fshehura të Europës. Kështu shkruan media e njohur britanike “Express”.
E njohur për ujërat e saj mahnitëse me ngjyrë bruz dhe plazhet me rërë të bardhë, kjo pjesë e Shqipërisë njihet si “Riviera Shqiptare”.
Po bëhet gjithnjë e më popullore për turistët, por ende disa pjesë të saj vizitohen rrallë.
Ksamili, një zonë që shpesh quhet ‘Maldivet e Evropës’, është një nga plazhet më të bukura dhe më të njohura, me rërë të bardhë dhe ujëra çuditërisht të pastra, tregon një turiste.
Për një atmosferë më të relaksuar, vizitoni Porto Palermon, ky gji mahnitës ka një gadishull të vogël që e lidh atë me kontinentin dhe një kështjellë mbresëlënëse të shekullit të 19-të, Ali Pasha.
