Eksperti i kriminalistikës, Ervin Karamuço i ftuar në emisionin “Now” me Erla Mëhillin ka folur për drejtorin e ri të Policisë së Shtetit, Skënder Hita.
Karamuço tha se, kreu i policisë në dy raste ka nxjerrë armën nga brezi dhe është përballur me eksponentë të krimit.
Një rast i përballjes, siaps Karamuços ka qenë kur drejtonte policinë e Durrësit dhe hera tjetër shumë kohë më parë në Fier me një eksponent shumë të rrezikshëm të krimit.
“Hita ka nxjerrë dy herë armën nga brezi. Një herë kur ka qenë drejtor i policisë Durrës, ku një bandë e madhe i thanë na ke marrë një pjesëtarin tonë dhe e ke futur në burg, kemi ardhur ta nxjerrim. U futën për ta nxjerrë ata. Hita dhe nëndrejtorët nxorën armët dhe u thanë hajde merreni po deshët. U mbush obrri i drejtorisë policisë durrës plot. Hera e dytë, shumë kohë më parë, në Fier, Hita dhe një eksponentët shumë i rrezikshëm i krimit i nxorën të dy armën njëri-tjetrit, “o ti o unë, o shteti o krimi””, tha Karamuço.
