POLICIA E SHTETIT
Një aksident rrugor është regjistruar në aksin “Gjirokastër–Kakavijë”, në vendin e njohur si “NSHN”, ku si pasojë është dëmtuar lehtë një 21-vjeçare.
Sipas njoftimit të Policisë, specialistët e Sektorit të Qarkullimit Rrugor kanë referuar materialet në Prokurori, duke nisur procedimin penal ndaj shtetasit V. M., 20 vjeç, banues në Gjirokastër.
Nga të dhënat paraprake, i riu dyshohet se ka humbur kontrollin mbi drejtimin e automjetit që po drejtonte, duke u përplasur me një automjet tjetër me drejtuese shtetasen K. G., 21 vjeçe, po ashtu banuese në Gjirokastër.
Si pasojë e përplasjes, 21-vjeçarja ka pësuar dëmtime të lehta dhe ka marrë ndihmën e nevojshme mjekësore.
Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, e cila po vijon veprimet për zbardhjen e plotë të rrethanave të aksidentit.
