POLICIA E SHTETIT
Specialistët e Sektorit të Policisë Rrugore në Gjirokastër kanë referuar materialet në Prokurori, ku ka nisur procedimi penal ndaj shtetasit A. Sh., 30 vjeç, banues në qytet.
Sipas njoftimit zyrtar, ngjarja ka ndodhur në lagjen “18 Shtatori”, ku 30-vjeçari, duke drejtuar një motomjet, ka aksidentuar një këmbësor 59 vjeç, gjithashtu banues në Gjirokastër. Si pasojë e përplasjes, i dëmtuari ka marrë lëndime të lehta.
Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për vijimin e veprimeve të mëtejshme hetimore.
Policia Rrugore apelon për rritje të kujdesit nga të gjithë përdoruesit e rrugës, me qëllim parandalimin e aksidenteve dhe garantimin e sigurisë rrugore.
