Qyteti i Selanikut, në Greqinë veriore u trondit sot nga një tërmet i fuqishëm. Mediat lokale shkruajnë se lëkundjet janë ndjerë në orën 6:24 të mëngjesit. Tërmeti me magnitudë 5.1 është ndjerë edhe në Maqedoni.
Tërmeti goditi pas një seri lëkundjesh të cilat nisën rreth mesnatës me një magnitudë prej 3.9, 3.5, 3.0 dhe 3.6 të shkallës Richter.
Lëkundja më e madhe u pasua nga dy tërmete të tjera, njëra prej të cilave ishte 3.2 në orën 6:28 dhe 2.3 në orën 8:26. Nuk janë raportuar dëmtime ose lëndime.
