Ka shkuar në 12 numri i personave të arrestuar në lidhje em vrasjen e turistit portugez nga roja i plazhit në Ksamil.
Gazetarja Klodiana Lala raporton se veç autorit Sokrat Vata dhe personave të tjerë, në pranga ka përfunduar edhe Moisid Matushaj, 24 vjeç, banues në Gjirokastër, me detyrë Ndihmës Specialist i Hetimit të Krimit në Drejtorinë Vendore të Kufirit Gjirokastër. Ai dyshohet se ka ndihmuar 29-vjeçarin Sokrat Vata të largohej pas vrasjes së 20-vjeçarit portugez. Nga hetimet e policisë rezulton se Matushaj punonte si bodyguard në lokal.
Dyshohet se ai e ka ndihmuar Vatën të largohej nga vendi i ngjarjes. Ndërkohë ëhstë shpallur në kërkim pronari i lokalit. Sipas hetimeve paraprake, ngjarja dyshohet se ka nisur pas një konflikti për motive të dobëta, ndërsa një prej pistave që po verifikohet lidhet me një femër.
Miguel Mendes kishte ardhur në Ksamil së bashku me një grup turistësh për të kaluar pushimet në jug të Shqipërisë.
29-vjeçari Sokrat Vata, banues në Has dhe i punësuar si roje plazhi në Ksamil, u largua nga vendi i ngjarjes pas krimit. Pas kontrolleve të policisë, ai është lokalizuar dhe arrestuar në Fier./ News 24
