Ish-kryeministri dhe ish-kryebashkiaku i Gjirokastrës në vitet 1992-1996, Bashkim Fino, zyrtarizon nesër kandidaturën për president të Federatës Shqiptare të Futbollit. Ai do të dorëzojë mandatin e deputetit dhe do të nisë fushatën për kreun e FSHF-së. Armand Duka, i cili drejton këtë institucion prej 16 vitesh, duket se s’do ta ketë të lehtë rizgjedhjen përballë Finos, i cili ka edhe mbështetjen politike të qeverisë. Kujtojmë që për kreun e FSHF-së votojnë presidentët e klubeve, kur ato janë të privatizuara, apo kryetarët e bashkive kur ato janë pronë e bashkive. Dihet që shumica e klubeve janë në pronësi të bashkive, ndërsa shumica e kryebashkiakëve janë të zgjedhur nga PS-ja. Sidoqoftë mbetet për t’u parë si do të zhvillohet kjo garë.
©ArgjiroLajm.net
