Policia Kufitare ka arrestuar në Qafë-Botë një 30-vjeçar, pas një kontrolli të bërë në mjetin e tij. Leonsi Imeraj, 30 vjeç, po tentonte të kalonte kufirin me 9 pako me drogë, por gjatë kontrollit të automjetit të tij u gjetën 8 kilogramë marijuanë. Droga është gjetur në mjetin që drejtohej nga Leonsi Imera, 30-vjeç, lindur ne Gjirokastër dhe banues në Hormovë, Tepelene.
Njoftimi i policisë
Më datë 20.01.2018, në dalje të RSh në PKK.Qaf Botë, në vijën e dytë shërbimet e Policisë Kufitare në bashkepunim me doganën kanë ushtruar kontroll të detajuar në mjetin tip ”Ford” me targa AA 608 FD, me drejtues shtetasin L.Imera. Si rezultat i kontrollit u konstatua se në serbatorin e mjetit kishte ndërhyrje ku në brendësi të tij u gjetën 9 pako më lëndë narkotike Cannabis Sativa me peshë 9.7 kg.
Nga ana e Strukturave Policore u bë shoqërimi në ambientet e Komisariatit të Policisë Sarandë i shtetasit L.Imera, 29 vjeç, banues në Tepelenë, ku prej Specialistëve për Hetimin e Narkotikëve u kryhen veprimet e mëtejshme proceduriale për arrestimin e tij. Në cilësinë e provës materiale u sekuestrua lënda narkotike dhe automjeti. Materialet hetimore do t’i kalojnë Prokurorisë Sarandë për veprime të mëtejshme.