Dy persona që po protestonin kundër gërmimeve për varret e ushtarëve grekë në Dragot të Tepelenës, u proceduan penalisht. Sipas policisë, procedimi nisi për 56-vjeçarin E.J. dhe 68-vjeçarin M.K.
Ndaj tyre rëndon akuza për veprën penale “Organizimi dhe pjesëmarrja në grumbullime e manifestime të paligjshme”.
Aktivistët thanë dje se me gërmimet, po shkelet ligji i reprocitetit ndërmjet dy vendeve, pasi grekët vijnë me pretendimin se tokat në jug janë pronë e tyre. Në varret ku po gërmohet aktivistët thonë se nuk ka asnjë eshtër të ushtarëve grekë, dhe se e gjitha bëhet për pretendime territoriale. Dje janë shënuar edhe përplasje mes policisë dhe protestuesve.
