Ministri i Jashtëm Ditmir Bushati, duke folur për varrezat e ushtarëve të rënë grekë dhe procesin e nxjerrjes së eshtrave nga toka shqiptare, ka thënë se do jenë vetëm dy vendprehje që janë parashikuar edhe në marrëveshjen e 2009-ës. Duke folur në emisionin “Studio e Hapur” të Eni Vasilit, Bushati tha se pikat e gërmimit janë shumë por varrezat janë vetëm dy dhe do ndërtohen në Vularat e Këlcyrë.
“Janë disa pika gërmimi, që prekin tre apo katër bashki, por nuk do të ketë më shumë se dy varreza sipas marrëveshjes së 2009-ës. Nuk dua të flas përsa i përket shifrave sesa eshtra mund të gjenden. Mund të them se në fushën e Sajmolës shifra është më e ulët nga çfarë është parashikuar nga ekspertët. Dy vendprehjet janë aty ku janë përcaktuar në marrëveshjen e 2009, në Bularat dhe Këlcyrë”, u shpreh Bushati
