Ndërsa aksioni kombëtar i ujit ka nisur me kontrollin e linjave të bizneseve, abonentët familjarë në të gjithë vendin, po shfrytëzojnë kohën shtesë të vetërregullimit për të lidhur kontrata të reja apo aktmarrëveshje për borxhet që i kanë ujësjellësave. 1 miliardë lekë është borxhi që 64 % e abonentëve familjarë, institucionet shtetërore e bizneset i kanë ujësjellës kanalizimeve Gjirokastër. Por paralajmërimi për penalizime në kuadër të reformës së ujit i ka dhënë efektet e para, siç pohon edhe drejtori i ujësjellësit në qytetin jugor, Bashkim Tola. Abonentët kanë nisur të bëjnë legalizimin e lidhjeve dhe shlyerjen e faturave të papaguara. “Debia në 24-25% është tek bizneset dhe pothuajse në të njëjtën vlerë është edhe tek entet shtetërore.”, thotë Tola. Ditët tashmë janë të numëruara, ndërsa taksa forca ka zbritur në terren.
