Policia e Gjirokastrës ka ndaluar një prej të rinjve që më datë 25 janar të këtij viti kërcënoi me armë një shtetas tjetër. Ngjarja ndodhi jashtë një lokali në Gjirokastër. I ndaluari është shtetasi E.H, vjeç 23, banues në Tiranë. Bashkë me shtetasin K.B, 24 vjeç, banues në Lazarat, kërcënuan me pistoletë shtetasin F.Ç, vjeç 32, banues në Gjirokastër. Policia vijon punën për kapjen e të riut tjetër. Motivet e ngjarjes nuk bëhen me dije ende. Hetimet po i zhvillon Prokuroria e Gjirokastrës.
©ArgjiroLajm.net
