Prefekti i Gjirokastrës, Astrit Aliaj zhvilloi sot një tjetër mbledhje me drejtues të institucioneve publike në Gjirokastër për të diskutuar situatën emergjente të krijuar nga rrëshqitja e dherave. Në mbledhje mungonte edhe kësaj here kryebashkiakja Zamira Rami. Ndërkohë gjatë fjalës së tij prefekti Aliaj u kujdes të fliste edhe për raportet me kryebashkiaken e Gjirokastrës. Ai e mohoi që të ketë përplasje me të, duke theksuar se bashkëpunimi është i ngushtë. Ditë më parë banorët e pallatit në lagjen ‘Kodra e Shtufit’, ishin shprehur në media se kryebashkiakja Zamira Rami dhe prefekti Astrit Aliaj ia lënë topin njëri-tjetrit pë situatën emergjente. Sipas tyre, prefekti kishte kërkuar që Rami të jepte dorëheqjen nëse nuk e përballonte dot këtë situatë. Ndërkohë kryebashkiakja nga ana tjetër u kishte thënë banorëve se s’kishte fonde për ta dhe se duhet të shkonin për ndihmë te qeveria.
©ArgjiroLajm.net
