Me banorët e pallatit në lagjen ‘Kodra e Shtufit’ është takuar sot edhe deputeti Bledi Çuçi. Ai ka biseduar me ta për situatën emergjente dhe përballimin e dëmeve, si dhe ka thënë se në Gjirokastër është bërë katrahurë urbane me ndërtimet në 27 vitet e fundit, duke drejtuar kështu gishtin nga ish kryetari u bashkisë Flamur Bime, njësoj siç bëri edhe prefekti Astrit Aliaj dy ditë më parë. I pranishëm në takim ishte edhe deputeti tjetër, Flamur Golemi. Ja çfarë shkruan Çuçi.
“Sot me banorët e pallatit në “Kodrën e Shtufit” me lajmin e mirë që raporti inxhinierik rekomandon të rihynë në shtëpi. Biseduam për zgjidhjen dhe përballimin e dëmeve qe shkaktoi shkarja e dherave javën e shkuar. Jemi të vendosur t’i japim zgjidhje përfundimtare, pavarësisht katrahurës urbane qe ka ndodhur në 27 vitet e fundit. Brenda javës dëmet e shkaktuara nga përmbytjet do marrin rrugën e zgjidhjes dhe zona që ka rrëshkitur në “Kodrën e Shtufit” do të rehabilitohet plotësisht”.
