Ministri i Brendshëm Fatmir Xhafaj ka folur mbrëmë në emisionin ‘Opinion’ edhe për kanabisin që kultivohej në fshatin Lazarat. Duke mbrojtur operacionin e policisë për ndërhyrje në këtë fshat, Xhafaj tha se në Lazarat prodhohej një sasi e frikshme kanabisi. Sipas tij bëhej fjalë për rreth 900 ton kanabis në vit, drogë që kapte një vlerë prej rreth 4.5 miliardë euro. Ministri u shpreh më tej se droga në Lazarat lejohej me vullnet politik nga qeveria e PD-së, ndërsa për kanabisin që u mboll pas viti 2013 në Shqipëri, nuk kishte vullnet politik të qeverisë. Xhafaj pohoi gjithashtu përfshirjen e segmenteve të caktuara të Policisë së Shtetit në kultivimin dhe trafikun e drogës.
©ArgjiroLajm.net
