Luftëtari është ekipi me curinë më të mirë në këto javët e fundit në kampionatin shqiptar, me 8 rezultate pozitive radhazi. Barazoi në fushën e Laçit, që është nga më të vështirat, por duhet thënë se i kishte të gjitha mundësitë për fitore, sepse kryesonte 0-2 dhe ishte në superioritet numerik. Klubi gjirokastrit ka planifikuar një mbledhje sot, por nuk bëhet fjalë për masa ndëshkuese, por thjesht një mbledhje, ku do të diskutohet për ndeshjen e fundit.
Pas ndeshjes së djeshme në fakt pati disa reagime, kryesisht ndaj portierit Ruçi, i cili gaboi te golat e pësuar, si dhe ndaj kapitenit Beqiri, por nga drejtuesit e klubit është thënë se nuk ka vend për kritika, duke pasur parasysh rezultatet e deritanishme.
Ndeshjen e radhës Luftëtari e ka në fushën e tij, ku pret Vllazninë dhe është ende në garë për një vend në zonën europiane.