Universiteti ‘Eqrem Cabej’ në Gjirokastër do të zgjerojë hapësirat akomoduese për studentët. Rreth 40 milionë lekë do të investohen në godinën e ku ka qenë ish shtëpia e ushtarakëve, për të krijuar klasa, auditorë dhe zyra për Fakultetin Ekonomik. Lajmi konfirmohet nga administratori i universitetit, Genti Llogo. Duke folur për Televizionin Gjirokastra, Llogo tha se vendimi është marrë nga bordi i administrimit dhe senati akademik. Sipas tij do të rikonstruktohen dy katet e kësaj godine. Aktualisht tha Llogo po punohet për t’i dhënë dorën e fundit projektit, ndërsa punimet janë parashikuar të nisin gjatë kësaj vere. ‘Shtëpia’ e re e Fakultetit Ekonomik pritet të jetë gati gjatë vitit akademik 2019-2020. Ky investim është parashikuar të kryhet nga të ardhurat e vetë universitetit.
©ArgjiroLajm.net
