Tre tendera pa garë ka dhënë Bashkia Gjirokastër më datë 2 dhjetor 2017, teksa Gjirokastra po përballej me një situatë emergjente të shkaktuar nga përmbytjet. Sipas ‘Open Procurement’, në total vlera e tyre është rreth 17 milionë lekë të vjetra me TVSH.
Tenderi i parë me vlerë rreth 3.7 milionë lekë të vjetra pa TVSH i është dhënë subjektit Sopot Gërxholli. Objekti ka qenë: ‘Pastrim i pritave malore pranë kinemasë së re në lagjen ‘Partizani’.
Tenderi i dytë me vlerë rreth 3.1 milionë lekë të vjetra pa TVSH i është dhënë subjektit ‘OREA Sh.p.k’. Objekti ka qenë: ‘Pastrimi i pritës malore pranë bibliotekës së lagjes ‘Varosh’.
Tenderi i tretë me vlerë rreth 7.3 milionë lekë të vjetra pa TVSH i është i dhënë subjektit ‘TEA-D Sh.p.k’. Objekti ka qenë: ‘Pastrim i pritës malore në lagjen ‘Granicë’
E përbashkëta e këtyre tre tenderave është se ato janë dhënë pa garë, ku të kishin mundësi të merrnin pjesë edhe operatorë të tjerë ekonomikë të interesuar.
©ArgjiroLajm.net
