Një 43-vjeçar nga Lushnja është vënë në pranga ditën e djeshme nga policia, pasi ishte dënuar nga gjykatat greke me dënim të përjetshëm për disa vepra penale, mes tyre edhe vrasje me dashje. Bëhet fjalë për Altin Dhamon, i cili ishte dënuar me burgim të përjetshëm nga Gjykata e Përbërë e Betuar Trikalon, për veprat penale “Vrasje me dashje”, Vjedhje me dhunë” e kryer në bashkëpunim, e mbetur në tentativë, “Vjedhje e kryer në bashkepunim”, “Armbajtje pa leje”.
Arrestimi i tij, erdhi pas vendimit të Prokurorisë Pranë Gjykatës së Shkallës së Parë Lushnje që ka urdhëruar ekzekutimin e vendimit të Gjykatës së Shkallës së Parë Lushnje e cila ka caktuar masën e sigurisë “Arrest me burg” për Dhamon, për llogari të Greqisë. Pas arrestimit të tij, policia ka sqaruar se materialet hetimore i kanë kaluar Prokurorisë Pranë Gjykatës së Shkallës së Parë Lushnje për veprime të mëtejshme.
