Disa banesa në lagje të ndryshme të Gjirokastrës rrezikojnë shembjen për shkak të rrëshqitjes së tokës, e cila vjen prej erozionit, por edhe për shkak të ndërtimeve pa kriter. Ndonëse për të frenuar rrëshqitjet e tokës specialistët sugjerojnë të mbillen sa më shumë pemë, Bashkia Gjirokastër bën të kundërtën, madje edhe në zonat e rrezikuara. Kështu ka ndodhur sot pranë lagjes ‘Punëtore’, ku çuditërisht punëtorët e ndërmarrjes komunale kanë prerë një pemë disa vjeçare. Arsyet nuk dihen, por sipas qytetarit që ka dërguar fotot te ArgjiroLajm.net thuhet se pema është prerë për të siguruar dru për shkollat. Dhe si për ironi pema e prerë është poshtë kodrës sipër së cilës ka disa pallate, të cilat nuk është çudi që ndonjë ditë të jenë në rrezik për t’u shembur njësoj si pallati te ‘Kodra e Shtufit’ apo objekte të tjera.
©ArgjiroLajm.net
