Luftëtari është ekipi i momentit, nuk ka diskutim. Fitorja me Kamzën, e dyta radhazi pas asaj në Vlorë me Flamurtarin, e ngjiti ekipin e trajnerit Lika në vend të 4-t, që do të thotë se shanset e Europës janë të mëdha dhe tani gjithçka e kanë në dorë vetë gjirokastritët. ArgjiroLajm.net mëson se futbollistët e Luftëtarit do të shëprblehen për dy fitoret e fundit dhe kjo gjë do të ndodhë para ndeshjes së radhës me Partizanin. Janë dy shpërblime që do të jepen nga drejtuesit e ekipit para ndeshjes në kryeqytet, duke i motivuar edhe më shumë futbollistët për të vazhduar kështu.
Po ashtu, mësohet se për një fitore të mundshme me Partizanin, lojtarët e Luftëtarit do të kenë një premio të veçantë. Nuk përmenden shifra konkrete, por para ndeshjes të së shtunës me Partizanin lojtarët do të mbushin xhepat, ndoshta edhe pas saj.
