Një biznes i ri në industrinë fason i është shtuar Gjirokastrës. Bëhet fjalë për një investim turk, në ceremoninë e inagurimit të të cilit merrnin pjese deputeti Flamur Golemi e prefekti Astrit Aliaj. Golemi thotë se hapja e çdo biznesi të ri në Gjirokastër është një lajm i mirë për qytetin, aq më tepër kur bëhet fjalë për sipërmarrje që punësojnë gra a vajza, në radhët e të cilave papunësia është më e lartë.
“Një investim i ri turk iu shtua industrisë fason në Gjirokastër. Shteti nuk mund të jetë punëdhënësi më i madh, ndaj ne mbështesim çdo iniciativë private dhe sidomos ato që punësojnë një numër të konsiderueshëm njerëzish. Industria fason trajtohet me një paketë të veçantë lehtësuese nga qeveria”, shprehet deputeti i PS-së.
Ky biznes punëson aktualisht rreth 100 vetë, por që kapacitetet janë më të larta se kaq.
©ArgjiroLajm.net
