PD dhe LSI kanë një shumicë të brishtë në Këshillin Bashkiak të Gjirokastrës. Vetëm një këshilltar më shumë se PS. Pra, raporti qëndron 16 me 15. Duke parë lëvizjet e fundit të këshilltarëve, këto dy forca do të mundohen të mbajnë me çdo mënyrë shumicën, duke mos lejuar më asnjë largim këshilltarësh drejt PS-së. Ky është momenti ideal për secilin nga këshilltarët e të dy këtyre partive që të bëjnë presion për të marrë përfitime nga ‘tepsia’ e Bashkisë Gjirokastër. Lehtësisht ata mund të shantazhojnë Zamira Ramin se nëse nuk marrin diçka në këmbim, atëhere do të largohen drejt PS-së. Kujtoni pak çfarë ndodhi në vitin 2009.
LSI i mori gjysmën e pushtetit PD-sê me vetëm 4 mandate deputetësh që kishte pasi pa to PD nuk e mbante dot qeverinë. Një rast i ngjashëm është edhe tani në Gjirokastër. Çdo këshilltar nga radhët e PD-LSI mund të shkojë në zyrën e Zamira Ramit dhe të kërkojë ç’të dojë duke e ‘kërcënuar’ kryebashkiaken se nëse nuk plotësohen kërkesat e ai/ajo s’do të largohet nga radhët e mazhorancës aktuale PD-LSI. E ndodhur në këto kushte, Zamira Rami do të lëshojë pushtet dhe përfitime të tjera nga frika se mos humbet shumicën në Këshill. Pra në këto kushte ajo është një kryebashkiake lehtësisht e shantazhueshme nga të 16-të këshilltarët e PD-LSI. A do të tentojë ndonjëri t’i rrisë pazarin vetes përballë saj? Mbetet të presim!
©ArgjiroLajm.net
