Në Gjirokastër stina e dimrit e cila është në përfundim, ka sjellë shumë të papritura. Mjaftë sipërfaqe bujqësore, por edhe biznese prodhumese e tregëtare pësuan dëme të konsiderueshme. Disa biznese po kërkojnë ndihmën e strukturave shtetërore për të mbijetuar.
Serjan Koko është administrator i një biznesi të rritjes dhe tregëtimit të peshkut në Gurën e Picarit në Gjirokastër. Ai thotë se dimri me mot të keq ka shkaktuar dëme të konsiderueshme financiare. Strukturat e mbarështrimit të rasatit të troftës pothuaj janë shkatërruar. Zoti Koko thotë se nëse nuk do të ketë ndihmë dhe një vlerësim të dëmit prej shtetit ai do të detyrohet të marë kredi për ringritjen e biznesit të tij. “Rrëshqitjet e dheut na kanë dëmtuar laboratorin e peshkut dhe gjithçka. Jemi në zero dhe duhet ta nisimi me gjithçka nga fillimi” thotë ai. “Për të mbajtur klientelën jemi detyruar të blejmë peshk tek të tjerët” shton Serjan Koko.
Situata e krijuar ka risjellë edhe një herë në vemendje sigurimin e bizneseve, si një mënyrë për të përballuar fatkeqsitë natyrore. Sipas specialistëve të ekonomisë mossigurimi i bizneseve pranë kompanive të sigurimeve krijon vështirësi financiare për ta aq më tepër kur flitet për dëmet e shkaktuara gjatë stinës së dimrit.
