Lejdi Liçaj shënoi golin e fitores (2-1) kundër Kukësit, duke i dhënë tri pikë të çmuara Luftëtarit. I ardhur nga Flamurtari në formë huazimi, mbrojtësi vlonjat është kthyer në lojtar kyç te gjirokastritët. Të shumta kanë qenë urimet në adresë të Liçajt pas golit të shënuar dje ndaj Kukësit, mes tyre edhe ish-kapiteni i Flamurtarit, Artan Sakaj.
Ky i fundit ka komentuar në videon e golit që mbrojtësi i Luftëtarit kishte postuar në Facebook, duke shkruar me batutë: “U bëre në Gjirokastër, më i famshëm se Çerçiz Topulli”, ndërsa Liçaj ia kthen po me batutë se edhe Çerçiz Topulli e kishte zili.
