Bashkia Tepelenë ka hapur së fundi një tender për blerje automjeti. Fondi limit i vënë në dispozicion për blerjen e kësaj makine është rreth 27.5 milionë lekë të vjetra me Tvsh. Afati për dorëzimin e ofertave ishte data 15 mars, ndërkohë nuk bëhen me dije specifikimet e këtij automjeti dhe për çfarë do të përdoret. A është automjet për kryebashkiakun Tërmet Peçi, për nevoja të institucionit apo drejtori të tjera në varësi të Bashkisë Tepelenë? Në njoftimin e publikuar nga Agjencia e Prokurimit Publik, mungojnë gjithashtu edhe detajime të tjera si modeli i automjetit, viti i prodhimit, lloji i karburantit, kapaciteti etj. Afati kohor për blerjen e makinës është 1 muaj pas lidhjes së kontratës. Ende nuk dihet se sa kompani kanë dorëzuar oferta pranë Bashkisë Tepelenë dhe cila prej tyre është shpallur fituese.
©ArgjiroLajm.net
