Një ngjarje e rëndë ka tronditur Tepelenen dy ditë më parë kur një bari u dogj i gjallë në stanin ku jetonte e punonte prej kohësh. Ai ishte një përson i braktisur herët nga familja e tij dhe ua kishte kushtuar jetën kafshëve. Alisha Mullaraj prej 10 vitesh punonte si bari në një stan pranë fshatit Lekël të Tepelenës. Mullaraj prej 25 vitesh kishte gjetur ngrohtësinë e fshatit, të cilët e ushqenin dhe vishnin duke e parë si pjesë të tyre. E ai u ruante tufat e bagëtive.
Alisha Mullaraj jetonte i vetëm, pasi familja e kishte braktisur që pas një aksidenti në moshë fare të re. Ai ishte rrëzuar prej kuajve të fermës dhe nuk ishte kuruar për këtë, duke mbetur sakat në njërin krah. Dhe tashmë ndodh edhe tragjedia… I moshuari, një natë më parë kishte ndezur zjarr për t’u ngrohur, por fatkeqësisht kishte marrë flakë sfungjeri që përdorte si dyshek për shkak të erës së fortë. E për pasojë i moshuari ka humbur jetën. I moshuari ruante bagëtitë e stanit të familjes Gjokthomi.
