Luftëtari ka reaguar ashpër ndaj vendimeve të gjyqtarit Emirjon Sino dhe asistentit Ilir Tartari, të cilët sollën humbjen e gjirokastritëve dje në Korçë. Klubi jugor ka vendosur të kërkojë zyrtarisht në FSHF që dy arbitrat e përmendur më lart të mos e gjykojnë më Luftëtarin.
Ja dhe qëndrimi i klubit gjirokaqstrit për këtë çështje:
“Klubi i futbollit Luftëtari nuk do të zbresë më në fushë, në rast se gjyqtar do të jetë Emirjon Sino apo asistent Ilir Tartari. Ky është vendimi i klubit për të përjashtuar nga marrëdhëniet e tij këta dy personazhe, që nëpërkëmbin djersën e lojtarëve tanë apo investimin e presidencës. Falenderojmë të gjithë sportdashësit e Superligës dhe në veçanti tifozët tanë për mbështetjen në këtë rast skandaloz dhe u bëjmë thirrje për vetëpërmbajtje, pasi Gjirokastra është burim i vlerave të pastra sportive. Jemi te vendosur të kerkojmë në rrugë instituciuonale të drejtën tonë, ndërsa nga ana sportive përgjigjet do t’i japim në fushën e blertë.
