Testi përbëhet nga dy pjesë. Pjesa e parë përmban pyetje rreth akteve ligjore që rregullojnë kujdesin shëndetësor dhe profesionin e infermierit në Republikën e Shqipërisë dhe çështje që lidhen me etikën dhe komunikimin profesional në infermieri.
Pjesa e dytë përmban pyetje rreth kujdesit infermieror bazë dhe në specialitete. Vlerësimi përfundimtar i kandidatit bëhet me sistemin e 70 pikëve, i cili përbëhet nga pikët e pjesës së parë të testit (20 pikë) dhe nga pikët e pjesës së dytë të testit (50 pikë).
“Provimet me shkrim për punësimin e infermierëve nisin më 31 mars, ku të parët do të testohen kandidatët e qarkut të Tiranës, për të vijuar më pas në datën 2 prill me kandidatët e qarqeve Vlorë, Fier dhe Gjirokastër, në 3 prill me kandidatët e qarqeve Shkodër, Dibër, Lezhë, Kukës dhe Durrës, si dhe në 4 prill me kandidatët e qarqeve Elbasan, Korçë dhe Berat”, shkruan Dita.
Në vijim gjeni të detajuar edhe programin me temat që çdo infermier duhet të përgatisë për të dalë me sukses në këtë testim.