Përkeqësohet moti në mbarë vendin, ja si do të jetë niveli i reshjeve në Gjirokastër

Sot pasdite patëm sërish përkeqësim të dukshëm të motit.Reshjet më të dendura do të jenë në roët e mbrëmjes dhe paraditen e të mërkurës. Sipas IGJEUM, sot pasdite (e martë, dt.20) dhe nesër (e mërkurë, dt.21) priten reshje në të gjitha qarqet. Në qarqet Shkodër dhe Kukës reshjet pritet të jenë intensive. Në qarqet Dibër, Lezhë, Tiranë, Elbasan, Fier, Korçë, Vlorë dhe Gjirokastër priten reshje mesatare. Qarqet Durrës dhe Berat pritet të kenë reshje të dobëta deri në lokalisht mesatare. Në shumicën e qarqeve në disa raste do të shoqërohen me shtrëngata (siç tregohet në tabelë, respektivisht për secilin qark). Reshjet priten më të dendura gjatë darkës së ditës së sotme dhe orëve të para të ditës së nesërme. Priten edhe reshje në formë dëbore në zonat malore, që në Veri do të zbresin deri në 300m, ndërsa në Jug deri në 900 m mbi nivelin e detit, kryesisht nesër.