Moti i keq, përmbyten kasollet e bagëtive në Këlcyrë

Moti i keq me reshjet të dendura shiu ka shkaktuar probleme për banorët e Varibopit në Këlcyrë. Si rezultat i shkarkuesit të ujit të rezervuarit të Varibopit në Njësinë Administrative Dishnicë ka patur përmbytje të disa kasolleve të bagëtive si dhe përmbytje të segmentit rrugor që lidh fshatin Varibop me rrugën nacionale. Niveli i ujit në lumin Vjosa arrin në 2.1 m. Reshjet e shiut parashikohet të bien edhe gjatë ditës së sotme në qarkun Gjirokastër, por me intensitet mesatar.