Është dhënë sot dënimi për vrasësit e efektivit të RENEA-s, Ibrahim Basha në Lazarat në qershor të vitit 2015. Gjykatën e Krimeve të Rënda ka dënuar sot me burg përjetë Arbion Alikon, ndërsa vëllai i tij u dënua me 20 vjet. Kujtojmë se në qershor të 2016, Prokurori çoi dosjen për gjykim ndaj 11 të pandehurve, për të ashtuquajturën dosja “Lazarati II”, të gjithë pjesë e një grupi të strukturuar kriminal, lidhur me ngjarjet e qershorit 2015, në të cilën mbeti i vdekur efektivi i Policisë së Shtetit, Ibrahim Basha.
Pesë persona akuzohen për vrasjen e punonjësit të policisë, ndërsa të tjerët për armëmbajtje pa leje dhe moskallëzim krimi. Nga hetimi i Prokurorisë për Krime të Rënda, atë kohë rezultoi se një grup të rinjsh, nën drejtimin e vëllezërve Arbjon dhe Alban Aliko, kanë planifikuar, organizuar dhe goditur forcat e policisë, të cilat gjendeshin në patrullim në zonën e Lazaratit, në datat 23-24 qershor 2015.
DENIMET/ Arbion Alikon burg perjete, Alban Aliko, 20 vjet, Bajram Bocia, burgim të përjetshëm, Elvis Bocia, 35 vjet, Elson Kazma, 18 vjet, Xhulio Malo, 10 vjet, Klodian Selimi, 13 vjet, Oltian Proko, 9 vjet, Dervish Gaba, 15 vjet, Ruhan Hiraj, 15 vjet, Iliaz Xhaferraj, 15 vjet
