Pas largimit të këshilltarëve të LSI-së drejt Partisë Socialiste ka reaguar edhe kryetarja Monika Kryemadhi. Duke uruar të gjithë besimtarët Bektashinj për festën e Sulltan Novruzit, Kryemadhi u pyet nga gazetaret për këtë cështje.
“Sot është ditë paqe, nuk është ditë as për të cilësuar apo për tu marrë me lajme të vjetra. Dua t’u them dhe diçka tjetër, anëtarët e LSI janë të lirë për të qenë kudo që janë po di të them që realitetin ku ne jetojmë nuk e ndryshojnë as këshilltarët dhe as deputetët. E rëndësishme është që të ndryshojmë e tu japim shqiptarëve më shumë punë, më shumë mirëqenie dhe më shumë begati”, – tha Kryemadhi.
Në Gjirokastër u larguan nga LSI-ja dy këshilltarë; Ardian Hyskaj dhe Arben Rexha.
