Një ditë më parë, ish-ministri i Mbrojtjes, Luan Hajdaraga, pësoi një goditje në tru, teksa ishte duke u kthyer në Shqipëri nga Struga, ku jep leksione në Universitetin e këtij qyteti. Hajdaraga u transportua me helikopter drejt Tiranës, ku ndodhen në reanimacionin e neurologjisë, në QSUT. Mjekët bëjnë të ditur se gjendja shëndetësore e Hajdaragës, 70 vjeç, vijon të mbetet e rëndë. Burime spitalore shprehen se ai ndodhet në mbikëqyrje të vazhdueshme dhe gjendja ka qenë e pandryshueshme gjatë 24 orëve. Ndërkohë që mjekët pohojnë se në goditje të tilla, 48 orët e para përcaktojnë edhe ecurinë e pacientit.
