Këshilli Bashkiak i Gjirokastrës zhvillon sot në orën 12:00 mbledhjen e cila u pezullua në fillim të kësaj jave për shkak të mungesës së kuorumit, duke qenë se këshilltarët socialistë e bojkotuan, si dhe kishte mungesa nga radhët e këshilltarëve të PD-së. Në rendin e ditës është sërish pika për shkarkimin e Semi Golemit, sekretarit të Këshillit Bashkiak, i zgjedhur para tre vitesh si propozim i PS-së. Për mbledhjen e sotme mësohet se këshilltarët e PS-së do të marrin pjesë. Mbetet për t’u parë se si do të rrjedhin gjërat gjatë kësaj mbledhje. PD dhe LSI kanë bërë shumicën në këtë këshill dhe zgjodhën së bashku kreun e ri të këshillit bashkiak, Mimoza Como. Por PS nuk e njeh këtë zgjedhje pasi mendon se ka shkelje proceduriale. Për këtë cështja ka shkuar në Gjykatën Administrative të Gjirokastrës.
©ArgjiroLajm.net
