Rikthehen reshjet e shiut në disa zona të Shqipërisë. Kështu thuhet në parashikimin e motit që ka bërë për pasditen e sotme dhe nesër nga Instituti i Gjeoshkencave, Energjisë, Ujit dhe Mjedisit.
Parashikimi i motit për pasditen e sotme dhe nesër:
Reshjet
Sot pasdite nuk priten reshje. Nesër priten reshje lokale të dobëta në qarqet Shkodër, Kukës dhe Elbasan gjatë pasdites (siç tregohet në tabelë, respektivisht për secilin qark).
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 10 / 21 °C
në vendet e ulëta: 10 / 20 °C
në vendet malore: 5 / 19 °C
Era
Sot pasdite dhe nesër era pritet të fryjë e lehtë, deri mesatare në bregdet.
Parashikimi për zjarre
Sot pasdite pritet rrezik “i ulët” në qarkun e Fierit dhe Tiranës. Nesër pritet rrezik “i ulët” në qarkun e Fierit, Tiranës, Vlorës, Gjirokastrës dhe Shkodrës ndërsa në pjesën tjetër të territorit nuk pritet rrezik për zjarre në pyje.
