Aksident tragjik, i riu shqiptar lufton me vdekjen në spital

Një 29-vjeçar me origjinë shqiptare është plagosur në një aksident në Livorno. Mediat në Itali raportojnë se i riu shqiptar po udhëtonte me motor, ndërsa ka humbur kontrollin dhe është rrëzuar, duke mbetur i bllokuar në hekurat e rrethimit të rrugës. Aksidenti ka ndodhur paraditen e së dielës rreth orës 11:20. Shqiptari ka marrë dëmtime në të gjithë trupin dhe ka një plagë të rëndë. Identiteti i tij nuk bëhet me dije ende. Policia ka nisur hetimet dhe po punon për zbardhjen e rrethanave të aksidentit.