Ervin Memo, 38 vjeç, është personi që ka mbetur i plagosur në Fier, pasi makina tip “Benz” ku ndodhej, ka shpërthyer rreth orës 22:55, në vendin e quajtur “Kryqëzimi i Grecallisë”.
Memo është dërguar në spitalin Rajonal dhe mjekët e kanë vlerësuar gjendjen e tij jashtë rrezikut për jetën. Sipas një rindërtimi paraprak të ngjarjes nga Policia, gjatë kohës së shpërthimit, mjeti ka qenë i parkuar dhe drejtuesi i tij sapo kishte hipur në mjet.
Paraprakisht, dyshohet se mjetit i është vendosur lëndë plasëse eksplozivë, thanë burime zyrtare nga policia e Fierit.
Një hetim ka nisur për zbardhjen e ngjarjes.
