Ambasadorja kineze në Shqipëri, Jiang Yu vizitoi Gjirokastrën. Ndër të tjera ajo u prit në zyrë nga kryebashkiakja Zamira Rami. Diplomatja kineze shoqërohej nga ministrja e Kulturës, Mirela Kumbaro dhe deputeti Bashkim Fino. Ky i fundit ishte në cilësinë e kryetarit të grupit parlamentar të miqësisë shqiptaro-kineze.
“Folëm për zhvillimin e turizmit në Gjirokastër dhe bashkëpunimin me Kinën. Bashkia Gjirokastër do të jetë pjesë e Forumit të Kryetarëve të bashkive të Vendeve të Europës Qëndrore dhe Lindore në Kinë, në muajin qershor. Një mundësi shumë e mirë për promovimin e vlerave të Gjirokastrës si dhe rritjen e bashkëpunimit në funksion të turizmit”, thotë Bashkia Gjirokastrër përmes një njoftimi.