Detaje të reja dalin në dritë nga vrasja e 23-vjeçari shqiptar, i cili u sulmua 5 herë me thikë dje në Exarchia të Greqisë.
I riu nuk arriti t’i mbijetonte plagëve të marra. Mihal Kapurani, nga qyteti i Korçës, dhe autorët kanë pasur grindje për çështje pagese, ndoshta për drogën, raportojnë mediat greke.
Mendohet se shqiptari është ekzekutuar nga tre bashkëkombës të tjerë, ndërkohë autoritetet thanë se kanë identifikuar emrat e ekzekutorëve. Bëhet fjalë për një shtetas me origjinë nga Përmeti, banor i Athinës, si dhe dy shtetas të tjerë shqiptarë me banim në Shqipëri, të cilët kanë hyrë në kufirin grek pak ditë më parë.
Identitetet e të dyshuarve u janë dërguar pikave kufitare me Shqipërinë si dhe Policisë shqiptare.
