Pse vendosi ta lërë imunitetin Saimir Tahiri? Çfarë ka ndryshuar nga 19 prilli, kur Tahiri nxitoi të shkonte në sallë për të mos plotësuar gjashtë muajshin e mungesës që i digjte mandatin? A ka të bëjë kjo me presionin ndërkombëtar ndaj Edi Ramës, apo është një lëvizje në kordinim të plotë mes kryeministrit dhe ish krahut të tij të djathtë në qeverisje?
Versioni i parë është ai që Saimir Tahiri të këtë vendosur të thotë vetë” “mjaftë më”. Në pamundësi të qëndronte në parlament se pasojë e presionit të opozitës, në pamundësi të ngrihej të fliste në tribunë ai ndodhat ka menduar që në operacionin e rikuperimit të imazhit që ka nisur do ishte më e shëndetshme për të të vendosej nga pozicioni i qeveritarit arrogant në atë të viktimës kokën e të cilit e kërkojnë të gjithë. Prandaj në fjalën e sotme ai tha: “Si qytetar i thjeshtë, vetëm me të drejtën time, familjen, miqtë e të gjithë ata që besojnë ende tek mua, do përballem me prokurorinë, gjykatën, drejtësinë dhe ligjin”.
Versioni i dytë është ai i një marëveshjeje në distancë me Edi Ramën. Emisarët e përbashkët i kanë dërguar ish ministrit mesazhin se ai nuk mund ta mbronte më, se presioni ndërkombëtar ishtë bërë aq i madh sa Rama nuk mund t’i bënte dot ballë. Në shumë redaksi mediash gjenden dëshmitarë që burime pranë kryeministrit i kanë informuar se presioni diplomatik për arrestimin e Tahirit kishte arritur kulmin. Pra rama është kujdesur për ta përhapur vetë këtë lajm, në mënyrë që më pas ti thotë Tahirit, Pakti mbetet, unë bërë çështë e mundur deri në fund për të të mbrojtur, por trysnia ishte më e fortë se mua. Prandaj t’I më lehtëso nga kjo peshë që unë të të vazhdoj të mbroj në kulisa me drejtësinë e re që po kontollojmë. Po të lexosh me kujdes tekstin e dorëheqjes së Tahirit mund të hamendësohet lehtë për një pakt mes tij dhe Ramës. Aty janë fshirë të gjitha aluzionet e kohëve të fundit “se gjërat i kanë bërë bashkë” dhe gjenden vetëm sulme kundër Berishës, Bashës, Metës dhe Kryemadhit.
Versioni i tretë është ai i një lëvizjeje shah-mat. Intesifikimi i hetimeve të prokurorisë, rritja e presionit ndërkombëtar dhe mundësia e një kërkese të re drejtuar parlamentit i kanë bërë të qartë Tahirit se këtë herë shumica socialiste në kuvend nuk do ta mbronte dot. Ndaj mes heqjes së mandatit dhe dorzimit vullnetar të tij, ish ministri ka vendosur të bëjë të dytën duke llogaritur se kështu del më mirë në publik. Ky version, pra ai se gjithçka ka lëvizur ditët e fundit forcohet edhe nga hipoteza se vetëm dy javë më parë Tahiri u rikthye në parlament për të mos plotësuar kohën e nevojshme që e detyronte të linte mandatin. Pra deri në 20 prill ai nuk kishte nëdëmend ta kryente aktin e sotëm. Dhe vetëm ndonjë zhvillim i ditëve të fundit e ka detyruar tw thotw: “Nga sot, nuk jam më deputet. Do përballem me këdo, sepse besoj e vërteta është më e thjeshtë por më e fortë se gjithçka tjetër”./ Lapsi.al
